I
Pel doh Breih-Izél, mem Bro karet
Pel doh hé néan,
Me halon beur e zou glaharet
Ha trist eùé m'inéan.
Kaer em es balé ha ridek bro
Dré ol er bed,
N'hellan kavet leùiné endro,
Pel doh Breih-Izél karet.
Ne vern émen é treménan
Me zou divroet
O men Doué ! na penaus é viùan,
Pel doh Breih-Izél karet
II
Bet on bet é Pariz hag é Roan
Ha pelloh hoah,
Guélet em es er broieu kaeran
E zou bet a viskoah
Ér Frans, ér Spagn hag én Itali,
'M es baléet;
Mas ataù er memb chonj me heli,
Pel doh Breih-Izél karet.
III
É Breih-Izél em es mam ha brér,
Doh mem gortoz;
É Breih-Izél 'ma mem Dous distér,
É houilet d'ein dé ha noz;
É Breih é ma én un doar Santél,
Me zad kousket ...
Mé eùé ne vennan ket merùel
Pel doh Breih-Izél karet
Ne vern émen é tremenein,
Me vou divroet.
O men Doué, penaus é viùein
Pel doh Breih-Izél karet !
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
