Me gave din gwech dimezet
E vijen bet eürus meurbet
E vijen bet eürus meurbet
Mez padal siwazh d'am c'halon
Gwasoc'h evit ur vatezh on
Ur vatezh, hiziv gourdrouzet,
Ma kar de'i, warc'hoazh na vo ket
Hi a zastumo he dilhad
Hag o lako en ur pakad
Hi laro d'he mestr, d'he mestrez
"Keno ha trugarez ivez !
Ho ti me zo 'vont da guitaat
O ya vat sur, a galon vat"
Petra servij din skournijell
Krennet ac'h ê ma divaskell
Me ho ped, tadoù ha mammoù
Pa zimefoc'h bugaligoù
Da leuskel 'ne, 'n anv Doue,
Da heuilh bepred o bolontez
Ar gwashañ tra zo war ar bed
Ar gwashañ tra a ve gwelet
Eo daou zen yaouank dimezet
Ha pere na 'n em garont ket
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
