Oh! chom en-dro din da c'hournijal, skeudenn garet
Chom atav tost d'am c'halon ha d'am spered
Ma soñjin en deizioù kaer-se tremenet, siwazh,
Pa zisklaerien dit ur garantez ker bras!
'Vit an holl marv, 'vidon-me te zo bev hag e soñj din
Emaout o vousc'hoarzhin
O chom en-dro din da c'hournijal, skeudenn garet,
An eñvor ac'hanout am frealz bepred
Nann, nann, gant e drouz ar bed d'am c'halon n'eo netra
Tremeniad, e kerzhan hap sellet outañ
Diseblant e lezan da dremen va dervezhioù
Hep plijadur nemet gant va huñvreoù
Va huñvreoù ker, diwanet en amzer ma oan troet
O ! Jany, d'az karet
Nann, nann, gant e drouz ar bed d'am c'halon n'eo netra
Rak gant va c'harantez e fell din bevañ
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
