Bremañ bloaz, da Santez Katell
Sortias ar flod eus a Vourdel (bis)
Pa oent erru e-tal Penmarc'h
O devoe kavet avel a-walc'h (bis)
Petra c'hoarvez gant Penmarc'hiz
O terc'hel gouloù-noz 'n o iliz ?
Kriz a galon neb a ouelje
E-tal Penmarc'h neb a vije
O wel't ar mor bras o ruziañ
Gant gwad ar gristenien ennañ !
Neb a welje merc'hed Gwaien
O vont d'an aod beb a-unan
Seizh intañvez ha seizh-ugent
O vont d'an aod en ur vandenn
O c'houl' an eil digant eben :
- N'az peus ket klevet keloù va den ?
- Keloù ho ten ha va hini :
E-tal Penmarc'h 'maint o veuziñ !
Mallozh ! mallozh da Benmarc'hiz
A zalc'h gouloù-noz en o iliz
'Zalc'h gouloù-noz 'n o ilizoù
'Vit ma yel d'an aod 'r batimanchoù
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
