Pa oan kommañs ma ziegezh
Me oa ken paour, landripen, landrapen
Pa oan kommañs ma ziegezh
Me oa ken paour 'vel d'ar paour-kaezh
'M'oa nemet ur c'hozh bankig brein
Hag ur c'hozh varc'hig, landripen, landrapen,
'M'oa nemet ur c'hozh bankig brein
Hag ur c'hozh varc'hig d'am dougen
Disul vintin en oferenn
'M'oa ket kredet sevel ma fenn
Klevet an dud o lavaret :
Setu erru paotr an div c'hwreg
'Devezh a-raok gouel Madalen
E oa ar foar e Rosporden
Ma marc'hig fall n'eet ket a-zreñv
Pe me ho sammo war ma c'hein
Ha me e sammas war ma c'hein
'Vit e gas d'ar foar a Rosporden
Donet un den 'n doa 'n teod fall
Ha kas ar vrud gantañ a-bell
Aze zo arru ur mell den
Ha 'mañ an diaoul gantañ war e gein
'N aotrou kure, hep hen bediñ
Ha dont d'an hent d'e gonjuriñ
Emañ du-se kostik an hent
Troñset e lost, skrignet e zent
Troñset e lost, skrignet e zent
Gwashoc'h eo bremañ 'vit oa kent
Aotrou kure, c'hwi zo tiet
Dont da gonjuriñ ar c'hezeg
'N aoutrou kure zo bras e veg
Dont da gonjuriñ ar c'hezeg
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
