1
Cheleuet, tud iouank, hag er ré goh eùé,
Hag er ré goh eùé,
Ha hui e gleuo ur soñnen konpozet a neùé. (2 huéh)
2
Hui gleuo ur soñnen a neùé konpozet,
Saùet di'ar tri soudard iouank zo d'dennein d'er billet.
3
Diar tri soudard iouank, larér e ma saùet;
Glahar erhoalh zo 'n ou halon, ret vo dehé monet.
4
« Mé ne hran ket a van, mé ne hran ket a gas!
Meit é kuitat parréz Melrand, ino 'm es glahar bras!
5
» Ino ma me ligné, men guellan karanté;
Ino e ma Jannig Lukaz, péhani garan bras...
6
» Mé hou supli Jannig, hou supliein e hran,
N' geméret ket rè a hlahar, get eun a chomel klan!
7
- Guir erhoalh, dén iouank, guir erhoalh e laret,
Kent ma vo tri dé ahaneman é vein oeit d'er véred ! »
8
P' oé 'n tri soudard iouank doh en daol é koéniein :
« Treménet é Jannig Lukaz, me halon e lar d'ein!
9
» Mar 'm bé mé er boneur de vont ur huéh d'er vro,
De anaùout hé hé,
Me iei de huél Jannig Lukaz d'en noz èl ar en dé! »
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
