1
Ha debonjour deoc'h barzh an ti-mañ
Kerkoulz d'ar bras ha d'ar bihan
O roulonlalonla
Kerkoulz d'ar bras ha d'ar bihan
2
"E pelec'h emañ Annaig Kalvez
Ma'z imp hon-daou d'al leur nevez ?
3
- E lae emañ-hi, ha kousket mat
Diwallit kloareg d'hi dihunat
4
Ar c'hloareg pa 'n devoe klevet
E lae gant ar skalliroù oa pignet
5
Tri daol war an nor en deus bet skoet
Annaig Kalvez zo bet dihunet
6
" Ha debonjour deoc'h Annaig Kalvez
Savit, ma'z imp hon-daou d'al leur nevez
7
- D'al leur nevez me ned an ket
Eno a vo ar seizh kloareg
8
Eno a vo ar seizh kloareg
Markiz Gwerand zo klask am c'haouet
9
- Droug ha mad nag a vezo
D'al leur nevez ni a yelo
10
D'al leur nevez ni a yelo
Gant ton ar sonerien ni a zañso"
11
El leur nevez pa oamp arruet
Teir dro zañs hon deus bet graet
12
Teir dro zañs hon deus bet graet
Markiz Gwerand 'n deus renkontret
13
"Na dibonjour deoc'h-c'hwi kloareg
C'hwi peus bet ar fleur deus ar merch'ed
14
- Ma 'm eus bet ar fleur deus ar merc'hed
Gant Doue din oa destinet
15
Ha deomp bremañ d'ar gorinaoù
Da c'houd da biv vo ar gajoù
16
- D'ar gorinaoù me ned an ket
Kapat evidoc'h Markiz me n'on ket
17
Rannañ vefe ar galon
El leur nevez an hini a vefe
18
Gwel' gwad ar c'hloareg el leur o skuilhañ
Markiz Gwerand deus e lazhañ
19
Annaig Kalvez pa en devoe gwelet
Gant blev ar Markiz e oa lammet
20
Gant blev ar Markiz e oa lammet
Diouzhtu d'ar gêr ez eo bet aet
21
"Ma mammig paour, preparit din va gwele
Va c'halonig a zo diaezet
22
- Mard eo ho kalon diaezet
Eo abalamour 'peus re zañset
23
- Mard eo ma c'halon diaezet
Va c'hloareg din-me a zo lazhet
24
Va c'hloareg din-me a zo lazhet
Warc'hoazh da zek eur vo interet
25
Warc'hoazh da zek eur vo interet
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
