Bloavezh mat d'holl dud an ti-mañ
Bloavezh mat digant Doue !
Levenez d'ar re yaouankañ
D'ar re gozh, yec'hed, buhez
D'ar mevel, kalon d'al labour
'Pad ar bloaz ur vestrezig !
D'ar plac'h a di kant servijour,
Ra 'do buan ur gwazig
D'an daou bried, yalc'h en armel,
Evit prenañ buoc'h pe leue,
Ra vo joaüseet o c'havell
Gant un neizhiad bugale
D'ar c'henwerzher ur diretenn
Karget a vilhejoù bank,
Ra welo bemdez prenerien
O varc'hata diouzh ar bank
Ra 'no peb Breizhad, ar bloaz-mañ,
Madoù 'n douar hag an neñv,
Ra gano 'r barzh, hep ehanañ,
Ar Brezhoneg hag ar Feiz
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
