Ni a zo daou gañfard yaouank deus parrez Laniskad
A oe deut d'ar Fiseloù 'vit ober un treujad,
A oe deut d'ar Fiseloù 'vit ober un treujad.
Met 'fota ket de(zho) soñjal 'omp-ni deut 'vit mat,
Met 'fota ket de(zho) soñjal 'omp-ni deut 'vit mat,
C'houlamp ket deus o fañsion, dimeus o div skuellad,
C'houlamp ket deus o fañsion, dimeus o div skuellad,
Gwell eo tremen gant unan, kavet kig war ar plad.
Me 'lar deoc'h en gwirionez e Fiseloù 'zo mizer,
Gant o brikouier a bont hag o chupennoù lost berr.
Ur mevel bras e Fiseloù n'eus ket met ugent skoed,
'Ze na n'eo ket kalz a dra d'an hini 'vagañ ur wreg.
'Benn 'nive bet un tamm butun, un nebeud chopinadoù,
'Choma ket ken kalz a dra da vago poupennoù
'Benn 'nive ket ur c'havell, ur pres hag ur gwele,
'Choma ket ken kalz a dra da gavet ar c'hafe.
Pe ve' gwelet ur Fisel en marc'had e Rostren,
Gant e jiletenn mañchoù hag e vragoù 've' stenn,
Gant e jilettenn mañchoù hag e vragoù a bont,
Gant e roched ampezet, neuzen e dog bihan ront,
Kement a diferañs a zo 'tre ur Fañch hag ur Fisel,
'El zo 'tre ur jao bro, un ebeul deus ur c'hastell.
Un ebeul deus ar c'hastell 've' e benn 'barzh en aer,
Ha hini ar paour-kaezh Fisel 'da gantañ a skej-kêr.
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
