Cheleuet, tud iouank, hag er ré goh eùé,
Hag er ré goh eùé;
Hui gleuo ur soñnen,
Et adieu donc, et adieu donc !
Hui gleuo ur soñnen kompozet a neùé.
Diar ur plah pearzek vlé, larér é mat saùet;
En des lakeit 'n hé chonj de garout er baotred.
« Iouankik mat, me merh, iouank alianset,
Iouank alianset, ré iouank, me hredet. »
- Hui n'hou poé ket, me mam, nag en oed em es mé,
'Ben 'poé lakeit 'n hou chonj de garout me zad mé. »
O geou, o geou, me merh, trihuéh achiù em boé;
Ben doé groeit é gonjé, pemp arnuigent en doé.
» Mar karet hui, me merh, me sentein, mar karet,
M'hou lako ér hovand, kovand el léañnézed?
- Petra hrein mé, me mam, petra hrein ér hovand?
Meit frizal men dantel, chonjal é men galant !
- Barh er hovand, me merh, ne chet a halanted;
Nen des meit leañnezi, leañnezi, bonseured. »
Chetu mé ér hovand; nitra nen des d'em hoant,
Meit ur boket roz guen diar mur er hovand.
Me zo oeit d'en atrap, me huélas men galant;
Me huélas men galant a vord é vatimant.
Na get é vouchoér guen, na ean e hras guign d'ein;
« Em daolet barh ér mor, me iei d'hous atrapein.
- Tosteit, tosteit, galant, tosteit hou patimant,
Tosteit hou patimant de vurig er hovand.
» Damb-ni bremen hon deu, d'hobér dré Frans un dro
De houiet mar kaveemb beleg d'hon eredo ! »
Dimet é en deu zén, ménaj mat gonduiant,
Menaj mat gonduiant; plijadur tud iouank!
« Sellet, sellet, me mam, p'em behé hou sentet,
Er galant e garen bikin n'em behé bet !
- Bout em behé seih merh, èl n'em es ket hañni,
Birùikin d'er hovand ne gasehen hañni! »
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
