Disul vintin p'oan savet, pa oa dijuniet din,
Pa oa dijuniet din,
Me da vonet d'am jardrin,
O ie ladira ladira ladira
Me da vonet d'am jardrin, espres vit pourmeniñ
Me da vonet d'am jardrin, espres 'vit pourmeniñ
Hag e klevis un evnig
Er boud o fredoniñ
Ha ma lare an evnig, fasil mat dre e vouezh
Petra ra dit-te, kloareg,
Kemer tristidigezh ?
Ha ma lare an evnig, fasil mat dre e son,
- Emañ da vignon karet
E dezolasion
Gwechall, pa oan paotr yaouank, me oa paotr disoursi
Arc'hant vije em godell
Dont d'an ostaleri
Bremañ pa'z on dimezet, kemeran paradur
Adieu d'am holl yaouankiz
Ha d'am holl blijadur
Adieu d'am holl yaouankiz, ha pa eo aet 'n he roud
Na pa me peder askell
N'on ket 'vit he zapout
Na pa me peder askell, lec'h n'am eus nemet div,
Adieu d'am holl yaouankiz
Bremañ p'eo aet a-biou
Arsa 'ta evnig bihan, te a zo lijer a droad,
Kerzh war-lerc'h ma yaouankiz
Me baeo chopinad
Kerzh war-lerc'h ma yaouankiz, me baeo chopinad
Ha ma ne ve ket trawalc'h
Ma baeo boutailhad
Ar yaouankiz zo ur bouked, ar c'haerrañ zo er bed
'Met ha kozh hen diskarfe
Mez sur 'walc'h na rai ket
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
