Er bloavezh-mañ eo ker an ed
O trei tron la la dira lon la
Er bloavezh-mañ eo ker an ed
Ha marc'had mat ar merc'hed
Evit daou lur emañ ar c'hant (bis)
Da choaz d'ar baotred yaouank
Ur paotr yaouank e oa er bed
Ne voa pevar lur prenet
Evit mont gante war ar maez
N nevoa graet peder vestrez
Na div anezho a oa koant
Div all a oa honestamant
An div goant en deveus choazet
An div all en deus losket
An div all lavare din-me
- Va c'hasit ganeoc'h ivez
- Hola, hola 'ta, emezañ
A-walac'h am eus bremañ
Devezhioù all pa deuin en-dro
Marteze me o kemero
- Devezhioù all pa deuoc'h en-dro
Marteze me vo marv
Me vo marv ha douaret
Lakaet va c'horf er vered
Ma laro ar baotred yaouank
"Amañ emañ div plac'h koant
Zo marv gant ar c'hoant gwaz
Meur a hini a rei c'hoazh"
Me 'm eus ur wezenn penn va zi
C'hwec'h aval ruz zo enni
Ha ma ouijen piv va c'har
En nefe va c'hwec'h aval
Met pa n'ouzon ket piv va c'har
Me zalc'ho va c'hwec'h aval
E ti va mestrez ez oun bet
Soubenn al laezh am eus bet
Soubenn al laezh, viou warnezhi
Hag amann rouzet d'hi c'holeiñ
Met ken kalet on bet a benn
Ne 'm eus ket kredet hi goulenn.
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
