Gwir vugale ar Werc'hez a dle bezañ santel
Ha stardaat e gras Doue bemdez betek mervel
An dud laosk ha ne rafent nemet fallgaloni
Penaos e c'hellfent bezañ bugale da Vari ?
Gwir vugale ar Werc'hez, diouzh an noz, d'ar mintin,
Evit adoriñ Doue a gouezho d'an daoulin
Rak abred 'mañ ar pec'hed war roudoù an hini
A zo, siwazh evitañ ! diegus da bediñ
Gwir vugale ar Werc'hez a vezo da Zoue
O c'horf gant e skiañchoù, o c'halon, o ene
Kerzhet 'raint er sklerijenn, o dorn e dorn Mari
Betek an deiz ma welint an Neñv o tigeriñ
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
