Ma mamm, roit din ma dañjerig
Ba' garnizon Lannuon } (bis)
Rak me zo 'vonet d'ar vilin
Ba' garnizon, zigidañdoñ
Ba' garnizon Lannuon } (bis)
Ho tañjerig, c'hwi n'ho-po ket
Ba' garnizon...
Ha d'ar vilin c'hwi n'an it ket
Ba' garnizon, ...
Ma mamm, roit din pe ne roit ket
Rak d'ar vilin eo ret monet
Rak me a glev ar sonerien
War pont ar vilin o seniñ
Rak me glev an talabarder
'Mañ o seniñ war ar chaoser
Rak me a glev ar ganerien
O kanañ war ar wenojenn
Hag aet eo Mari d'ar vilin
Tapet 'deus he c'hoef mousselin
He c'hoef mous'lin, he botoù laer
Evit plijet d'ar miliner
Toull ar vilin pa oa arruet
Ar miliner a oa kousket
"Savit alese, miliner
'Valañ ma sac'had, 'tont d'ar gêr
P'tra zo ganeoc'h 'barzh ho sac'had,
'Out war ar maez ken diwezhat ?
- Kerc'h ha segal ha gwinizh du
P'emañ ho milin war he zu
Pe war he zu pe n'emañ ket
Bremañ-souden e vo lakaet"
Ha dre ma'z ae ar greun er gerl
Ar miliner a boke ferm
Ha dre ma'z ae ar brenn er brank
Ar miliner a boke stank
Ha dre ma'z ae ar bleud er sac'h
Ar miliner 'oa mestr war 'r plac'h
"Hola, hola, milinaer laer
Torret 'peus din las ma dañjer !
N'eus ket ken 'met bandenn ma brozh
Da dorrañ 'r bec'h diwar ma c'hof
- Ma vez torret, torret e vo
Kemenerien 'walc'h zo er vro
Kemenerien 'walc'h zo er vro
C'hwi a glasko, me a baeo
Warc'hoaz me 'yae d'ar foar Rostren
Da brenañ deoc'h 'n davañjer gwenn
Me 'yae da foar Sant Nikolaz
Da brenañ deoc'h 'n davañjer glas"
Ha seiteg deiz ha triwec'h miz
Oa bet an aotrou ba' Pariz
Ha bremañ pa distroet er gêr
Oa chañchamant 'barzh ar maner
Chañchamant zo 'vit ar momant
"Ha ma intron, na p'lec'h emañ ?
- Mañ 'barzh he c'hambr an uhellañ
'Tommañ he mab an terruplañ"
Ur paotr bihan glas e lagad
Ne oarer ket piv eo e dad
Ne oarer ket piv eo e dad
Ar miliner a oar se mat
"Boñjour deoc'h-c'hwi, miliner laer !
Me zo deuet da glask da gomper
- O, da gomper, me n'en ye ket
Rak ma milin zo 'valañ bleud
Rak ma milin zo war rod vat
Ha doan 'm eus e vije torret
- Me ouie 'walc'h, miliner laer,
Vijez ket bet tad na gomper
Distroit 'ta miliner laer
Pe 'ye ma botez-koad 'n ho revr !"
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
