Tre ma c'hêrig hag ar maner, (bis)
Ur wenojennig a gaver (bis)
A gaver ur wenojenn wenn
A zo enni ur we'enn spern-gwenn ;
Hag hi karget a voukedoù
Hag a blij da vab an aotrou.
Me garfe bout bleuñv e spern-gwenn,
Ha bout tapet gant e zorn gwenn,
Bout tapet gant e zornig gwenn
Gwennoc 'h evit bleuñv e spern-gwenn
Me garfe bout bleuñv e spern-gwenn,
Ha bout lakaet war e warlenn.
Mont a ra kuit diganeomp-ni,
Pa'z a ar goañv tre 'barzh an ti ;
Mont a ra kuit 'trezek Bro-C'hall,
'Vel ar gwennili o nijal.
Pa zistro an amzer nevez,
Distreiñ ra dre-mañ adarre
Pa zav ar bleuñv yal er prajoù
Hag ar bleuñv kerc'h 'barzh ar parkoù ;
Ha pa gan ar pinterigoù,
Kerkoulz hag al linerigoù
Dont a ra da heul ar festoù,
Dont a ra c'hoazh d'hon pardonioù.
Me garfe gwel't e peb amzer
Bleunioù ha festoù 'barzh ar gêr,
Ha gwelet ar gwennilied
O nijal tro zre-mañ bepred;
Me garfe ho gwelet nijal
Bepred e beg hon chiminal.
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
