Lerkilé ziska tar an kaval
Kor bankal anklavé dann bokal
i anbal, i déboul, i parad
dann kostar, po vantar, po fé war
Kraz karang sou pié mang i giny pi
Na ryink biyé ver dan nout vi
Kaparèr i kapay i rèv pi
Kavalèr kan somey i vyin pi
Ogard pi la mèr
Vey pi lékim la tèr
Ziska le kor i larg le kor
Ziska dernié bout po frol la mor
Kavalié dann brouyar
Kalash po flash radar
i rash kravat
Kaparèr i kapay i krèv pi
Kavalèr kan soley i lèv pi
Mon pié frèl lor bardzour
mi vé tramp mon zié flou bor lamour
kan domin san féklèr
Vey lwin nou valé fann lamour
nou pa valé dvan lo tan i kour
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
