Bonne gins qui véyaient triste mine, acoutez ch'l'effrayant malheur
Depuis ch'matin on m'assassine, in torture min pauf' petit coeur
J'avos eune quienne appelée Finette, que j'aimos comme min propre infant
Elle vient d'ête inlevée par l'carrette, vétiez comme ch'est pas désolant
À plaignez Finette, elle est dins l'carrette
Ils l'ont collée ches cabots, ches vauriens, dins cheule carrette à quiens
Elle sortot justemint d'euss'caisse, quind ils l'ont pris ch'est émouvant
Même avec euss'tchiête dins cheule laisse, il simblot qu'elle criot "Maman!"
J'ai eu bieau réclamé toute suite, pour réponse un méchant blanc biec
M'a crié: "Décampez bien vite, ou j'vous prinds dins l'carrette avec!"
À plaignez Finette, elle est dins l'carrette
Ils l'ont collée ches cabots, ches vauriens, dins cheule carrette à quiens
Quind j'allos pour faire un t'iot somme,elle minquot jamais d'faire comme mi,
E j'l'avos querr bien plus que m'n'homme,elle étot plus fidèle e qu'li.
A l'quinzaine quind i f'sot bombance,faut vous dire qu'ch'es l'roi des graineux
Qu'i voulot donner un' bonne danse,Fidèle sautot intre nous deux
À plaignez Finette, elle est dins l'carrette
Ils l'ont collée ches cabots, ches vauriens, dins cheule carrette à quiens
Malheureusemint j'eun'suis pas riche, mais pour avoir min p'tit trésor
Je donneros bien jusqu'à m'quemiche, car m'in passer cha s'rot ma mort
Mes bonnes gins pour avoir Finette, cha coûte querre et j'ai pas l'moyen
... pour faire eune petite quête et j'vous aimerai autint qu'min quien
À plaignez Finette, elle est dins l'carrette
Ils l'ont collée ches cabots, ches vauriens, dins cheule carrette à quiens
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
