Fantatro fa tsy azo atao
Meloka aho minia mitia anao
Saingy tsy voatana ny foko
Tianao an-tsokososoko
Notanako am_po tsy milaoka
Noferako tsy navelako hivoaka
Nefa toa hery tsy hay tohaina
Tiako ho dradradraina
Fa eo ianao anilako eo
Hitako sy reko feo
Toa akaiky nefa tsy takatro
Tsy ho ahy ianao fa fantatro
Fa ny anao ny fo efa manan-tandrify
Efa eny an-tratrany eny ianao no mitampify
Ny ahy misy tady eny am-bozonana
Midiridiry tsy hay takonana
Ny taonantsika koa manelanelana
Izaho efa halazo ,ianao vao voa hamelana
Ianao hary elatra enti-misidina
Izaho efa mitsingidina
Ny tanantsika te hifanantona
Nefa tsy mihaona akory indreny miantona
Samy tia nefa tsy manantena
Ny lalantsika tsy hifanena
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
