Pié d'boi i flanm, solèy i tranm
La vi an vou parèy i vang
L'kor an romans, an baba tann
Lanvi sa vou, parèy mi d'mann
Parèy an dou sa la po mang
Piman pou nou anmar la lang
Sèrman pou vou moin kamayang
Mi rèv yabou fé mon demann
Demouun i koz i pé prétann
Vou lé zis roz pou karo kann
Mon koz lé dou i ème san konprann
Mon boush lé pou le gou kari tang
Kanmèm an grène dèr tapounang
Toué mèm mon rène fi la savane
Ton tro salé an vié karang
A moin mi ème mi ème i yanpli mon vane
Kom an zako dann lodèr kanf
Ma dans an vou zoli madam
Dann kabaré moulal boukann
Na forkolé kolé pou rèt ansanm
Sé pa koman mi pé prétann
Le dou ton po an patamann
Tyin for séré tout ton tro tann
M'la pèr krazé la soi ton lanm
Zoué pa zène fi mi vé ton fanm
Kèm an goni pousièr la sann
Ma fé kado ma done lofrann
Kèm an mizèr an balié brann
Dann bor ton kor ravine zavann
Mi ansouvnans dézord mon bann
Tanbour ton po la tèr i danm
Ziska péyi Mozanbikann
A ou fanm... A ou fanm
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
