اسمع مليح بابي
يما سمحيلي أنا هربت من دارنا سون سمير
اذا شفتيها ظاهريا راه الصونص بير
وقنعت champ de tire درت اللحية و قلعت فال
شفت الفسق وبلعت ودركا صوتي سمعت
بدات الحكاية نهار دخلت للجامع وأنا صغير
لتم بديت على الدين نغير la base لتم بديت
ماما غروني أنا شفت المجتمع في خطر
قلت نروح بروحي نخاطر sûr قالولي الجنة
لي داوني ماما كانو ناس يبانو تع تحصين
بانو مالايكة فالصح وهوما موديفياو التفسير
الاول عرفتو ف أنترنيت ماقالاتو شابين
السيد جاي مالشام مسيمو روحو أسد الدين
لتم بديت الإسبال، اللحية نطلقت حبال
بروبوزالي الا نقبل نروح و عطاني أسباب
قالي الجنة قريبة ليك و أنا نفتحلك الباب
شفت في روحي قلت علاش ما ننصرش الإسلام
برا شفت المنكر ماما كيفاش ما نتغامش
كلام الله لي يعبر والمجتمع لي ما يفهمش
Les données قلتلو كيفاش السبيل قالي بعتلي
فالسيفياو لي فيزا للدوحة من قطر بعتوني
رفدت الكابة وقلعت ديزاكتيفيت التخمام
جني باسبور سعودي فيه مكاشيا فيزا لبنان
فالطيارة قلبي مزير الهبطة في بيروت
قعدنا يوم أنا والخاوة وشقيناها حدود
معايا مروكي ومصري والقيد نتاعنا من باريس
دخلنا سوريا نخممو ربي راهو علينا حارس
ولي فيه قاع دايرين اللحية bus ركبنا ف
قالك تروحو لحلب وتموتو ولا تحياو
حطوني نقرا في كلاصة Aleppo لحقنا ل
فيها علام التوحيد لا سبورة لا طلاسة
دخل السيد يخطب ولا علاقة بالدين
بدا يقنع فينا بلي حنايا هوما المجاهدين
داونا يعلمونا نتيرو ماما هاداك لي كان
Numéro de série américain عطاوني سلاح ب
جابولنا نساء قالولنا هاكو جهاد النكاح
ماما كنت خايف هادو والله ما قنعوني قاع
تسيي فالناس لي ارتدو terrain قالك تهبط ل
عطاني موس بيدو قالي كبر وشدو
جابولنا 3 رجال قالولنا هادو كفار
مبروك عليكم اليوم راح تاخدولنا بالثار
السيد كان مكسل الدمعة في عينو مكبل
يخمم في ولادو لي مخليهم خايف راح يتقتل
فالأول غاضني وجيت رايح باش نانتارفوني
خفت يشكو في إيماني انا لي يقتلوني
شديت الموس وراسو ذكرت ربي والرسول
غرق في دمو وانا نجوز فيه الموس لحاصول
ماما كي ذبحت الأول مور ما قالولي مرتد
بصح كيفاشو انا لي سمعتو بوذني كان يشهد
ما رقدتش ليلو ولا زوج امبعد ارفدت الصنعة
وليت نفني فيهم عادي ما تغيضنيش الدمعة
سماوني أبو مصعب ولتم ديت السمعة
وليت شوية معروف ولتم زوجولي ربعة
شاد سلاحي ونكبر champ de tire هبط ل
قابلت الموت والبير لي نلقاه نكفر
في وسط ديار رايبين وجابادور مغبر
وما كوناش خايفين خلاص القلب تعمر
قتلت كبير وصغير نورمالمو ما نرتاحش
حبيت الصونص بير حنايا لي سماونا داعش
شحال من واحد مصغر كان معايا وطرطرق روحو
مور ما قالولو حنا كي نموتو لحور العين نروحو
ماما كانو غالطين وقاع يعرفو هاد الحكاية
حتى أمير المؤمنين قادر يديلي نسايا
بعتوني خطرة نجيب تمويل وحسيت روحي غريب
لي عطالي السلاح والدراهم كان في يدو موشم صليب
وليت لحلب قالك يحتاجوك في دير الزور
مع الكتيبة رحنا ودمي كان سخون يفور
لحقنا لتم لقينا رصاص والعدة والعتاد
قالك ناطاكو حزب الله مع قوات الأسد
ماما كي زدمنا أنا كنت مع الصفوف الأولى
وفبالي حنايا لي راح نبنو راح نديرو دولة
ماما تيراو عليا وراني طايح بين الأنقاض
راني نسجلك هاد الحكاية وما لقيتش الألفاظ
ماما واقيل نموت وماكانش لي يسمع بيا
علاش غير درك لي تحلبت بلي لعبو بيا
انا لي كنت باد شفت بعيني وكنت نكذب
قالولنا الموت تجيكم ساهلة علاش راني نتعذب
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
