Vulesse credere ancora
Chelli frase d'ammore scritte 'nfaccia ô muro sott'a casa soja
Credere ancora ch'esiste chi parla 'e fá 'a rivoluzione
Ognuno 'a vita d''a soja, nasce e muore da solo
Na pistola 'e parole spara 'a verità
Hai ragione, aggio peccato, però nun me ne pento
Pecché penzo ca ccà fore ormaje nisciuno è innocente
Esiste nu Ddio, ma a nuje nun ce sente
Si no 'o cumpagno mio nun fosse muorto pe niente
Mia mamma nun crisceva 'int'a n'orfanotrofio
'Int'a chella sparatoria nun mureva nu guaglione ca nun c'azzeccava proprio
'E guardie nn'se pigliavano l'abuso
Pe na busta hanno mise 'e mane 'ncuollo a nu muccuso
Aggio tradito l'arte
M'aggio assettate a tavola c''o diavolo vincenno na partita a carte
È overo, so' cchiù ricco, ma so' cuntento mo?
Quale su' 'e valore? Quale songo 'e bro?
Ma pecché te spuoglie si nun ce sapimmo?
Famme turnà â casa, tengo già nu figlio
'O problema 'e chella femmena è che è bella assaje (E porta sulo guaje)
Vulesse credere ancora
Chelli frase d'ammore scritte 'nfaccia ô muro sott'a casa soja
Credere ancora ch'esiste chi parla 'e fá 'a rivoluzione
Ognuno 'a vita d''a soja, nasce e muore da solo
Na pistola 'e parole spara 'a verità
Voglio credere ancora
Ca 'a speranza nun more e fa realizzà 'e suonne a chi ce mette 'o core
Credere ancora ch'esiste nu Dio ca c'osserva e perdona
Si se spacca 'a famiglia, a suffrì songo 'e figlie
Nun 'o sanno quale strada hann''a piglià
Sto in ginocchio annanze a Dio, però nun cerco perdono
Pecché tengo già nu posto prenotato all'inferno
Nn'aggio acciso maje a nisciuno, l'aggio fatto ch''e parole
Però aggio infranto chill'ati comandamente
Desiderato cose 'e ll'ate perché nn''e tenevo
M'annascunnevo 'int'ô cuscino, 'a notte chiagnevo
Me piace ascì ogne sera e mangià ê ristorante
Pije chello ca voglio, 'o prezzo nun 'o veco manco
Brioscina sottomarca, se bloccava 'nganna
Na vita a retromarcia, durmevo 'ncopp'ô banco
M'arrecordo ancora quanno 'a cunuscette
'O capette a volo ch'era a prima scelta
Tu nun sî na femmena usa e getta
Con te 'ncapa tengo nu progetto
T'hê pigliato 'e me difette e pregie
E chi sbaglia na vota 'o ssaje ca sbaglia sempe
N'ammore comme a chisto, no, nun fernesce pe colpa 'e na scema
'Int'â vita faccio 'a differenza tra chi me vò e chi m'appartene
'E me t'hanno ditto ca nun so' nu santo e nun pozzo cchiù dice': "Nn'è overo"
Ricuordate, quanno nn'ce steva nisciuno, je ce stevo
Vulesse credere ancora
Chelli frase d'ammore scritte 'nfaccia ô muro sott'a casa soja
Credere ancora ch'esiste chi parla 'e fá 'a rivoluzione
Ognuno 'a vita d''a soja, nasce e muore da solo
Na pistola 'e parole spara 'a verità
Voglio credere ancora
Ca 'a speranza nun more e fa realizzà 'e suonne a chi ce mette 'o core
Credere ancora ch'esiste nu Dio ca c'osserva e perdona
Si se spacca 'a famiglia, a suffrì songo 'e figlie
Nun 'o sanno quale strada hann''a piglià
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
