La montagn lé vèrt koulèr out ti zié
mwin mwin lé sou kouvèrt i fé bon kréché
i fok mi lèv po alé travayé
sa i kas mon rèv i fos mon léfé
alor kom sa po prolonge mon somèy
mwin la trouv in ralonge i ranplas lo solèy
wi solèy laktialité
sa la pa travay bondié
Domoun laba lotkoté loséan
i fini pi dtié é fé koul lo san
zot la po batay po in pé larjan
po èt gouvernèr ou bien prézidan
po èt gouvernèr ou bien prézidan
A mwin isi dann monn ti kwin
po sort in kou dann ce mond pouri
mwin la po tir si innti jwin
la ral amwin dann in paradi
la ral amwin dann in paradi
O zamal, o zamal, o zamal
ti fé mal lo kèr
lo kèr monnti zézèr
é pourtan mwin lé fièr
mwin la change linivèr
la mi wa lo sièl lé roz
koulèr la lèv manzel mimoz
kan dési lamour i poz
ansanm avek mon kèr i esploz
o zamal, o zamal, o zamal
ti fé mal lo kèr
lo kèr bann gouvèrnman
gouvèrnman koulèr larjan
é larzan koulèr lérèr
é lérèr chomin la mor
o lérèr chomin la mor
O zamal, o zamal, o zamal
ti fé mal lo kèr
lo kèr bann militèr
militèr koulèr la gèr
é la gèr koulèr lanfèr
é lanfèr frèr babilon
gouvèrnay gouvèrnman
victwar pouvwar larjan
Na sat i bwa na sat i fim
i batay dann chomin
sa vréman lé pa tro sin
mé na sat i vé èt pli pré jah
an aralan si innti jouin
mwin mi parl di saj rasta
zot i di kofré mwa ce chien
Madam, o madam, o madam
out fiy dan la krwazé
li la po koz ek in zamalien
son palto lé déchiré
é son chové lé trésé
li té sort fim innti jouin
mwin la vi sa kan mwin té sort la mès
o wi dan son chové na d'très
ek son pantalon rapièsté
ek son palto déchiré
o madam in vré défalké
mé dizon in bob marlé
Oté, akout, é akout
akout amwin bèlmèr
ou ki trèt amwin fimèr
ou di ke mwin lé zamalien
ou la minm di mwin lété chomèr
ké toultan mi trèn dann chomin
ou vé pa ékout mon kozé
ou admèt pa la vérité
lot fwa kan out fiy la bwar kasé
ant nout dé ou kisa la pléré
bèlmèr plèr pa i va pa ou
lès sa plito po zamouré
bèlmèr plèr pa i va pa ou
mé i va pa ou di tou
Mwin lé parèy in lirondèl
mwin lé kom in tourterèl
i vien gingn la zèl
mwin lé kom in payanké
ester mi wa lo siel lé blé
mwin lé kom in payanké
la rozé la mouy son ké
La mèr i bouj sou lo sièl an fé
mon zié lé rouj mi sort pa pléré
gramoun dan son rom na inn ot léfé
sat lé mien i dériv koté bondié
Solèy i tonb la rénion i dor
mi krèz mon tonb mwin pa fé la mor
in romans po monnti zézèr
la pa mwin la fé mon kèr
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
