Mèm si ou lé loin
Si ou lé pa coté moin
Mèm de lot' coté d'la terre
Ou s'ra toujours dan mon kèr.
Mèm si ou lé loin,
Si ou lé pa coté moin
Comme un roulèr, un kayamb
Nous sera toujours ensemb'.
Le band mots i vien pa
Quand moin la besoin
Mon l'esprit i maille
Mon pensée i chamaille
Mais poukoué rode pou di sak dann' mon kèr i cri
Des fois le silence même, lé pli fort qu'n'importe quel
poème
Pou dit des mots d'amour
Lé vrai moin lé pa gabier
Moin lé pli fort
Quand i faut dit la méchanceté
Combien d'fois moin la cri ek ou
Z'ordi mon kèr i sèr, ou mank à moin, mèm si mi di pa ou
Des fois mi aimerais être comme un parle-pas
Mi a bout explique mon bonheur, mon tracas
Juste ek un caresse, un p'tit soupir
Juste un p'tit geste, un murmure
Mèm si ou lé loin,
Si ou lé pa coté moin,
Mèm si ou lé loin, Si ou lé pa coté moin,
Mèm si ou lé loin…
Si ou lé pa coté moin… Nou lé ensemb'.
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
