In grann dofé dan mon tèt
La fé shavir mon kèr an filas dolo
Pou out ti manièr zézér
Kap kap dann bra la vi
Dovan bébèt lamour
Mi vèy mon zétwal véli
Mi vèy mi vèy mi vèy
Mi vèy mon zétwal véli
Sa pa in fougad dann mwin
Sa pa in lanvi dann mwin
Mi poz mon vi dann bor out min
Kréol malay lo po domièl
Lansiv out vwa i fann ti pa ti pa
Ziska in zoli manmzèl koton
Langaz foutan langaz foutak
I défil léko si le bor ranpar
Mi vèy mon zétwal véli
Mi vèy mi vèy mi vèy
Mi vèy mon zétwal véli
Anpar mon souvnans zépine
Pou fagot out zié la brèz
Pou amay la kord nout zistwar
Lonbraz le mo la karès mon zou
Ti mo dou pou inn pou dé
Ti mo dou
Ti mo dou pou inn pou dé
Sa pa in fougag dann mwin
Sa pa in lanvi dann mwin
Mi poz mon vi dann bor out min
Mi vèy mon zétwal véli
Mi vèy mi vèy mi vèy
Mi vèy mon zétwal véli
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
