Ou yem la koulèr mon mouyaya
Avans plu pré froté kont mon bra
Sif dann somin kom le shyin shyin shyin
Dovan mwin
An roké
Aboy
Panga panga
Kom an rapas ke la trouv son prwa
La bav i koul dann ton bla bla bla
Ogard pa mwin kom morso dviann shèr tann
Sa pa la fot mon linz
Frot out zafèr astiké
Ral in bout la po derièr loto
Mwin la vu d'zafèr té vé pa war
La pa dmandé la met dvan mon zié
Kas kolé
Dévir ton zié
In Lot koté
Ou vé zoué kom kok batay
Dann la kour ti dalon an pagay
Pran ti bwa po zot zoué dann la tay
Po yink yink an vèr d'ki ti fay fay
Na trouvé dann ron kok
Dok Kadok
Donn kou d'zok
Ti poulouk gro lorgane
i kakay gran sipay
kom marmay an kador
zoué le for
Kas kolé
Dévir ton zié
In Lot koté
Ton béki i fé flap flap flap
ti sikèt la i bat bat
Ou pé révé po giny trap trap trap
Ou Va giny kout klak klak klak
in dsé zour ou va fini si katpat
Ma kri for tout mon kor ma sobat
po in zour kalité karapat la moukat
i respek mon ti ser, mon dalone, mon kafiak
Larg mon tété
zamé gèt in boyo
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
