Atèr
Ou la pez mon kor atèr
Ou la kraz tout mon lam atèr
astèr astèr
Gatèr
Mwin la rant an gèr kont grokèr
Mwin la fé dou mon ladversèr
Sort desi mon somin mantèr
Mi rouv la port lanfèr
Met kouvèr dessi la tab
Astèr
Mi ronz tout mon frin po pi res atèr
Alé bril in sierz la mèss po priyér
domann pardon bondié sénièr
la riv out tour po res atèr
Bèss la tet dvan mwin mi prefer
out boubou l'kor transpir ek la pèr
a mwin mem out bébét sizèr
ma fé tranm out kaz kan va riv out lèr
Atèr
In zour na krwaz lo fèr po d'vré
Gard pa mwin ek sourir forsé
Tard pa mi ariv po toué
Ou va giny war mon zié pli pré
Trouv oussa kashèt mon kolèr
Mi zoué pi kanèt ek mon kèr
Mon zabo sra ranpli manzé
Mi fé dou ryink in sèl boushé
Na pi la rouy si mon kozé
Raval ton fonn gozié
Mi Zoué pi kanèt
Mi Koz pi an marionèt
Mi Mèt pi la poz
An rob poupèt
Lèv pi lo dwa
Po port parol
Dovan zot tribinal
La mok an tol
Mon gorz i rak ziska fon d'kal
Tout mon kador kri granmerkal
Maloya minm sa mon parlwar
Mon kor i shant tout son gayar
Amwin dobout an fanm kabar
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
