Nwala nεemmed neẓra
Neḥder nugad nessusem
Ajenwi aqdim yeḥfa
Ur yelli wa t-yessmesden
Agdud ur nefriẓ lehna
S yiles-is m'ur t-id-yenni ara
Ad yecrew tidi merrɣen
Ḥkiɣ-d ayen d-ḥkan
Wid i sen-yeḥkan
D nutni i yeẓran kulci
Cfan wid yeẓran
Ugaden ad d-iban
Umureǧ zzit ma teffi
Nnuɣen msefran uɣalen
S lmeεna ad wen-tt-id-nini
Nnejmaεen imceddalen
Akken ad begsen ɣer lfetna
Γer tweḍfin iɣer rran
Rewlent, semmḥent di tlisa
Meḥqen-tent, kksen-asent amkan
Ffεefεent, zerεent di tmura
Imceddalen mi tt-ceεlen
Ẓran, tteklen
Rran areẓ d anagi
Si zdeffir i ten-yettεawan
Udem-is ur t-yesban
Tigemmi n tweḍfin teɣli
Yuɣal fell-asent iɣiɣden
Ayla-nsent yerhen
Ay tent-ijemεen d lberrani
Ccluc itetten ibawen
Yebɣa ad iεawen tiweḍfin
Zzin-d fell-as imceddalen
Wwten-t tardast ur s-tt-ǧǧin
Tameddit rrayes-nsen
Yugad ibubb-asen aεwin
Tiɣirdemt tekker ɣer lfetna
S awarẓeg terra
Acu ixeddem di tmurt-is
Tekker tessufeɣ-as-d ccreε
Taggara terfa
Tewwi-d areẓ d arfiq-is
Rrayes n tzizwa yefqeε
Ur yebɣi ara
Ad yemmečč uwarẓeg deg lḥeqq-is
Rrayes n tzizwa iεezzem
Yugad ad t-tḥaz nnuba
I tɣirdemt acu ara yexdem
D lǧar-is si zzman tella
Awarẓeg ẓran medden
Deg wayla n tɣirdemt i yebna
Rrayes n tzizwa yefqeε
Lεesker yefka
I uwarẓeg akken ad t-εiwnen
Tiɣirdemt ur tent-teǧǧa
Tekfa-ten merra
Tefka-ten-id d ikuliyen
Taqsiṭ ad tt-ḥebseɣ tura
Muqlet anw' akka
Lfahem ara ɣ-tt-id-ifesren
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
