È l'aghju torna in core è stasera più forte
U dulore di l'ore è e sperenze morte
È a vechja canzona di i so falzi patti
L'addisperu chì tona e parulle è po l'atti
Quand'elli vultaranu
À dicci lu veranu
Vai vaici tù
Eo
Eo ùn possu più
U listessu cunsigliu è tanti sò partuti
L'avvene à testa o cigliu è i sogni caduti
È l'amarezza in gola isse limosine à sparte
À ritruvassi sola pè e strade diserte
È issu tempu chì mena
Nantu à listessa pena
Vai vai vaici tù
Eo eo
Eo ùn possu più
E pagine arrubbate in le nostre memorie
E bugie malate e chjame derisorie
È isse quistione poste à vulè campà quì
E so falze risposte è i basta cusì
Quand'elli vultaranu
À porghjeci a manu
Vai vai vaici tù
Eo eo
Eo ùn possu più …
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
