Ci hè duie case è un fornu
È quandu pesa lu ghornu
Vecu i battelli passà
À fume negru quallà
Di chi culore sarà
U lindumane, o cumpà? (bis)
Ogni stagione mi scrive
Allora piantu l'alive
À cantu à la mia funtana
Vene à chjinassi Fasgiana
Inseme femu ragiò
À quandu si quandu innò
À quandu si quandu innò
Da quindi vecu a stretta
Chi parte d'issa pianetta
È sentu corre la saetta
Appese à le vostre fole
Ne mar ne fiume ne sole
Dumane ùn s'anu da francà
Eo, o maè, so paisà
À l'aria pura
Mi piace à stà
Tù, o maè, micca capì
Cio chi a terra
Ci viene a dì
È ùn so perchè l'aqua linda piace à mè
Tù, o maè, micca sapè
Cio chi dumane aspetta à tè
Ùn ne curteghju bandera
Ma spartu la mio panera
Ùn mi ne vantu di fà
U mondu sanu cambià
Ma un passucciu lu sò
Di pazienza è ragiò
Di pazienza è ragiò
À dece dite si face
Per ogni casa una pace
À dece dite di tè
Ci hè da manghjà per un rè
À dece dite si po
Fà megliu chè Monsanto
Fà megliu chè Monsanto
Ti precu fede è furtuna
À circà in pozzu a luna
O corcia, la casa cumuna
À chi ti vende prugressu
Danari, gioie è successu
In tantu corre lu rigressu
Eo, o maè, so paisà
À l'aria pura
Mi piace à stà
Tù, o maè, micca capì
Cio chi a terra
Ci viene a dì
È ùn so perchè l'aqua linda piace à mè
Tù, o maè, micca sapè
Cio chi dumane aspetta à tè
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
