Reproche moy maintenant, je le veux,
Si oncq de toy j'ay eu faveur aucune,
Traistre, legere, inconstance fortune.
Reproche moi hardiment, si tu peux.
Depuis le jour qu'en mal'heure mes yeux
Voyent du ciel la lumiere importune,
Je suis le but, la descharge commune
De tous les coups de ton bras furieux.
Bien tost j'auray, desjà l'heure s'avance,
J'auray de toy par mort quelque vengence,
Lors que de moy l'ame sera partie.
A toy vrayement le camp demeurera ;
Mais, j'en suis seur, ma mort te faschera,
De te laisser cruelle sans partie.
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
