فرحانة معاك
فرحة حد نسي همومه
من بعد ما عاش
خايف قلقان من يومه
فرحانة معاك
فرحة واحد في الغربة لقاله صحاب
فرحة ليل متونس بنجومه
فرحانة أنا فرحة ناس إتفارقت
عن بعض ورجعت تاني إتلاقت
أو فرحة ناس من الدنيا إتضايقت
والدنيا في عينهم بعدين راقت
زي العيلة لما أبقى معاك
تلاقيها بتجري هنا وهناك
آه، تلاقيها من كتر الفرحة إتشاقت
فرحانة عشان
بوجودك أنا موجودة
وبقالي زمان
واقفة مكاني ومسنودة
ما بقاش في كمان
أيام مفروضة عليا عشان تتعاش
وما فيش أحلام جنبك مرفوضة
فرحانة معاك
فرحة حد نسي همومه
من بعد ما عاش
خايف قلقان من يومه
فرحانة معاك
فرحة واحد في الغربة لقاله صحاب
فرحة ليل متونس بنجومه
من لهفة قلبي عليك بتلفت
حواليا وبيا الدنيا دي لفت
وبحس بفرحة كأني عروسة
وقت ما لبست دبلتها إتدفت
فرحانة أنا فرحة بني آدمين
كانت موجوعة بقالها سنين
آه، وإتعافت بعد وجعها وخفت
فرحانة معاك
فرحة حد نسي همومه
من بعد ما عاش
خايف قلقان من يومه
فرحانة معاك
فرحة واحد في الغربة لقاله صحاب
فرحة ليل متونس بنجومه
(فرحانة معاك)
(من بعد ما عاش)
فرحانة معاك
فرحة واحد في الغربة لقاله صحاب
فرحة ليل متونس بنجومه
(فرحانة معاك)
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
