Kwé k’ou lé konm anpéshé là
Sépa kel majigador
La met aou dan se léta
Jet aou konm in mové sor
Ou wa aou-mem ek sak ou fé ti
Toultan ou ‘a pou éséyé
Mé jordi seré tan pou ansorti
Pou rouver in kou lo zie
Asé jwé marmay i fo
War pli gro
War pli lwin pli o
War pli gran
War ou pou vréman
Ou na bo fé d’zafer valab
Nadfwa et lo pli gabié
Mé lé konmsi ou san aou koupab
Lo gayar ou la gainyé
Komsi ou néna pwin d’mérit
Pa bezwin d’rekonésans
Sak andeor fo ou imit
Par aou-mem na pwin la shans
Mé seré tan aou-mem ou akit
Liber aou rant dan la dans
Asé jwé…
Ek lo ti lé pli minion pli joli
Lé plis dann kwin modesti
La pou kas lo pe d’vayan
Lo pe d’savan néna anndan
Inn ti kari inn ti shanson inn ti kozé inn ti bourjon
Inn ti travay inn ti siksé inn ti méday inn ti dansé
Inn ti kaz inn ti péi inn ti kréol inn ti fourmi
Inn ti mouvman inn ti gou d’sel
Inn ti volkan konm ninport lekel
Alé pa majine ninport kosa
Koz ou pa ninport koman
Na pwin pou bat desi lestoma
Na pwin pou fé le larogan
Mé dénig pa sak ou néna
Fé sak na pou fé sinpleman
Asé jwé…
Inn ti inn ti (in mo)
Inn ti inn ti (lo ti lé an tro)
Aret ek inn ti
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
