Una fata peregrina s'hè calata in lu mio core
Ella guida la mio strada cun furtuna è cun amore
Corre corre a l'infinita u ventu di la mio vita (x2)
Cum'è pane d'ogni ghjornu aghju una sporta di stelle
Per a luna è per u sole scrivu le mio riturnelle
Corre corre a l'infinita u ventu di la mio vita (x2)
Quandu d'inguernu la neve mi trova per s'alte cime
Cercu sempre qualch'agrottu per finisce le mio rime
Corre corre a l'infinita u ventu di la mio vita (x2)
Cum'è sposa aghju una musa, cum'è lettu aghju la terra
E le mio sole cunfine sò la muntagna e la serra
Canta canta a l'infinita u ventu di la mio vita (x2)
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
