Après la guere, on-z a dit fåt k' on s' mete
A rfé ene måjhon po les cis ki nd ont pus.
Les deputés, les pårtis, les gazetes,
Po l' prumî côp, tot l' monde s' a-st etindou. [1]
On a tot fwait po rmonter tote l' Årdene.
Anverse et Lidje n' ont nén co d' liårds assez.
Ådjourdu, no vnans briber a Scåssene:
C' est nén por nos, c' est po les sinistrés!
Respleu
C' est nén por nos, c' est nén por nos; c' est po les
sinistrés!
Dins tot l' payis, k' i nos a dit l' minisse,
Dins tot l' payis, vos fåt fé des discours.
Po bén daler, i fåt k' ça rapoirtaxhe; [2]
Vos froz ene coleke; dji croe k' ça dirè foirt. [3]
Po comincî, nos faleut des wants crinme,
Solés vernis, frake a pans bén tirés;
Po nos moenner, ene vweteure amerikinne;
C' est nén por nos, c' est po les sinistrés!
å respleu
Dvins les hameas, les viyaedjes et les veyes, [4]
Nos endalans tot endalant tot vnant.
I n' fåt nén croere ki c' est todi åjhey; [5]
Les djins d' asteure sont pus rapias k' dins l' tins. [6]
I n a des djoûs, no l' avans pus a bele:
Po nos bén rçure, on fwait des grands dinners.
A gåtche, a droete, n a ene djoleye mamjhele;
C' est nén por nos, c' est po les sinistrés!
å respleu
Tot dierinnmint, l' mayeur d' un gros viyaedje
A volou fé pus bea k' tos ses vejhéns.
On grand dinner, mes amisses, ké dalaedje,
Des djin bén m'tous, tot çk' i n a d' superfén.
Po nos bén rçure, des zwites, des pates di crabe;
Salåde d' omård, do tchampagne a plin trô.
Dj' a tant boevou ki dj' vola padzo l' tåve. [7]
C' est nén por nos, c' est po les sinistrés!
å respleu
L' samwinne passêye, padvant deus cint persones,
Dji fwai m' discours, dji påle, dji creye, dji brai.
On fwait ene coleke: vint-deus botons d' marone;
Et kékes mwais francs, c' est çk' on a ramassé.
Dj' a bén manké d' mori d' apoplecseye.
El prezidint voleut tot desketer.
Po l' raåjhî, on a stî vir les feyes.
å respleu
On djoû ou l' ôte, nos morrans a l' ovraedje;
Avou tant d' må, on n' fwait nén ça lonmint.
Mins nos rvénrans, c' est fok k' on ptit voyaedje,
Èn aler-rtoû, co pu roed k' avou l' trin.
A l' arivêe, cwand nos voerans sint Pire,
I nos dirè: "Co des måjhons a rfé!
Alez rvos è, alez rvos è sol tere,
C' est nén por vos c' est po les sinistrés"
å respleu
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
