Gramatin kuma li lévé
So katora dan so la main
Li pé fini met lor porté pou li ale travay
Larzan li péna dan so poss
Li pé bizin pédale bicyclette
Pou ki dimé ran fiere so fami
Ek soigne so madam
Gramatin kuma li lévé
So katora dan so la main
Li p fini met lor porté pou li ale travay
So botte déza dan so lipié
Lor so latet ena so sapo
Souvent defwa so linz dechiré
Ar lev macadam
La vie, ene labirinthe sa
Souvent defwa li compliké
Mais ena ene simé sorti ladan
La vie, ene Labirinthe sa
Tou dimoune bizin bouzé
Pou avancé dan la vie
Kuma tou dimoune li ena so défo
Misié la li kontan pikolo
Parski pou li meilleur solition
Pou noiye so sagrin
Dans so lakaz na péna manzé
Ek larme so fam ape coulé
Li pa koné kot li pou alé
Li ale get so mama
Et so mama pa reste a koté
Dépi longtemp li finn allé
Li prend so vélo wep li pédale
Li fer la montan
Li pédale sa lor mou
Zis pou rempli zot lasiet manzé
Si patron finn péye en retard
Li gagn maltraité avek so mama
La vie, ene labirinthe sa
Souvent defwa li compliké
Mais ena ene simé sorti ladan
La vie, ene Labirinthe sa
Tout dimoune bizin bouzé
Pou avancé Dan la vie
Kan li rentre kot li latet fatigué
Meilleur lami lom zot tou koné
C'est so lichien na péna répross pou fer avek li
A li galoupé saute dan so lébra
Enn ti karess lor so latet
Laffection toto dan so lavie ré donn li sourir
Parski la vie li enn teste
Li bizin manz ar li
Pou afronte limanité
Li bizin croire dan li
Parski la vie enn mari teste
Kan to péna personn pas donn toi
Apar to parent lor la terre
Ek seigneur ki finn souffert pou toi
La vie, ene labirinthe sa
Souvent defwa li compliké
Mais ena ene simé sorti ladan
La vie, ene Labirinthe sa
Tout dimoune bizin bouzé
Pou avancé Dan la vie
La vie, ene labirinthe sa
Souvent defwa li compliké
Mais ena ene simé sorti ladan
La vie, ene labirinthe sa
Mem si parfois li compliké
Ena enn simé sorti ladan..
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
