O Dumè, t'arricordi da quellu tragulinu ?
Porti li to settant'anni
Cume fiori di castagni
Tragulinu
È sott'à lu to cappellu
Hai l'ochji d'un zitellu
Tragulinu
Solu la to barba bianca
Dice chì a to vita hè stanca
Tragulinu, Tragulinu
Di punt'à lu to purtellu
Scantatu è lu carittellu
Tragulinu
Quellu ch'hà fattu Battaglia
Da Balagna à Merusaglia
Tragulinu
Quandu tù vindìa l'oliu
À ognunu ancu per un soldu
Tragulinu , Tragulinu
A scala di Santa Regina
Di nuttata o di matina
Tragulinu
L'hai pigliata trent'anni
Piattendu li to affanni
Tragulinu
Di tè dìcenu à l'Acquale
Ch'ùn timìa timpurale
Tragulinu , Tragulinu
Hai ancu un certu ricordu
D'un banditu di u Fiumorbu
Tragulinu
Chì pigliatu di suspettu
T'hà messu u fucile in pettu
Tragulinu
Ma banditu era d'onore
È t'hà lasciatu discorre
Tragulinu, Tragulinu
Per dà capu à lu friscone
Hai fattu casa è fucone
Tragulinu
Ma quand'ellu piglia forza
U so lagnu à la to porta
Tragulinu
Sparghji u to vechju pilone
Sott'à qualchi muraglione
Tragulinu , Tragulinu
Parteristi ancu in viaghju
Ma ti resta pocu fiatu
Tragulinu , Tragulinu
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
