Cum'elli sò belli l'anni
Verdicenti è spenserati
Hanu un nome hè zitellina
Bellu cume cardellina
Elli ancu senza chjamassi
Pìglianu listessi chjassi
Sanu chì per campà un'ora
Ci vole à passalla fora,
Fora ci sò tutte ripe
À barcà cume scaloni
Ci hè u fiume cù l'anguille
È un ortu pien'à miloni
Per finisce la ghjurnata
Chì ùn hè mai straziata
Ci hè sempre inde qualchi chjosu
Un sumere laziosu
Corri corri o zitellina
Corri ùn ti lascia piglià,
Fà cume a cardellina
In gabbia ùn ci vole à stà.
Corri corri o zitellina
L'amore t'hà da piglià,
Di ghitarra è mandulina
O cum'ellu sà ghjucà.
Cum'elli sò belli l'anni
Chì si svèglianu stunati,
Si sente cume una pena
Ch'elli vòlenu catena.
Ùn la diceranu à nimu
Ancu sceltu u so caminu
Oramai sò sicuri
D'esse di core maturi.
Zuccati nantu à le porte
Di legnu anticu u più forte
Nomi chì vanu per coppii
Quantu ci n'hè micca rotti ?
Pochi pochi ma sò muche
Chì fanu spuntà una luce,
È una canzona argentina
Cume tutta a zitellina.
Corri corri o zitellina
Corri ùn ti lascia piglià,
Fà cume a cardellina
In gabbia ùn ci vole à stà.
Corri corri o zitellina
L'amore t'hà da piglià,
Di ghitarra è mandulina
O cum'ellu sà ghjucà.
Paroles2Chansons dispose d’un accord de licence de paroles de chansons avec la Société des Editeurs et Auteurs de Musique (SEAM)
